Udalbatza

Ongi etorri Aramaixoko Udalaren webgunera!Teknologi berriei esker gure herriaren aurkezpen birtuala erakusteko aukera dugu gune honetan! Hemen ikusi dezakezu gure bailararen edertasuna, aberastasun kulturala, gure ondare historikoa, gauzatuko diren proiektuak, udalerrian garatzen diren ekintza desberdinak, eta abar. Era berean, Udala osatzen dugunon eta gainontzeko herritarren arteko elkargune bihurtu nahi dugu espazio hau.Herritarren partehartzea sustatu nahi dugu, Aramaion antolatzen diren era guztietako ekintzetan, izan ere, gure helburua herri demokratiko eta partehartzailea lortzea da, gure bailara hau guztion artean hobetu dezagun.Webgune honetan izango duzue Udalean antolatzen ditugun ekintzen berri: pleno akordioak, batzorde informatzaileen funtzionamendua, talde tekniko eta politikoaren osaera. Azken finean, gure jarduera zuei guztioi hurbiltzeko asmoa dugu eta zuen esanetara gaude, edozein momentutan, dituzuen zalantzak argitzeko.

Gugan jarri duzuen konfidantza eskertu nahi dizuet, demokratikoki aukeratuak izan garen taldekideen izenean, eta Aramaio gure herriaren onerako elkarrekin lan egitea espero dugu aurrerantzean.

Gure helburua da herritarren eskura jartzea: EUSKARA ikasteko aukera; gure ondare kulturala ezagutzeko tresnak; ohiturak mantentzeko baliabideak; errekurtso naturalak eta gure mendiak zaintzeko ardura. Nolabait hain garrantzitsua den lehen sektoreari dagokion garrantzia eman nahi diogu (nekazaritza eta abeltzaintza).

Gure herrira lehendabiziz etorriko zareten guztioi zera adierazi nahi dizuet: herri txiki bat ezagutuko duzuela, 1.500 biztanle inguru dituena, baina aniztasun kultural handiarekin. Lurralde zabala da Aramaio, herrigunea bera eta auzo ezberdinez osatutako 9 elizaurre daude.

GUZTIOK IZANGO ZARETE ONGI ETORRIAK. ZURE ZAIN GAITUZU!